有個「金」字嘅馬，歷來出過唔少名駒，好似當年阿簡隻「金威」，現役馬中有「金滿載」贏過五win，攞到600幾萬獎金，目前評分高達115分。
原來近幾次谷草賽事都有「金」字馬非冠即亞，分別為2月25日「金紫荊」、3月4日同11日嘅「金叻星」，呢隻「金叻星」仲同「金滙龍華」串成「金」字Q。仲有3月18日「金筷子」爆22倍冷win。所以今期吼住啲「金」字馬實冇衰。
最好嗰隻梗係易配潘頓嘅「金滙龍華」，上次初跑谷草1650米即入Q，今次再吼番呢個路程先跑，兩個字講晒：「實砌」！
尾場有隻「金領宙」，韋達同苗禮德復合以來，先後有「金錢路」同「再石磨藍」跑得好，呢隻「金領宙」都似樣喎。
至於老鬼「金紫荊」突然擺潘頓上去，唔通貪得意咩！而其他「金」字馬，各位啱心水亦可以諗吓！