終審法院首席法官馬道立噚日宣佈委任10位資深大律師，當中最為人熟悉係現年43歲嘅潘熙。潘熙喺城大取得法學士學位，1995年喺香港攞到大律師資格，執業範圍主要係公共法。佢過往代表過唔少社運人士打人權官司，包括喺金鐘「連儂牆」畫粉筆花、被警方以涉嫌刑事漽壞拘捕嘅14歲女童。據聞潘熙噚日朝早喺觀塘裁判法院出庭時，有人已經上前恭喜佢。
另一位獲晉升為資深大律師嘅係高級助理刑事檢控專員許紹鼎，現年43歲畢業於港大嘅佢係行內公認嘅靚仔，唔少女記者齋聽佢個名都嗒晒糖。其實今次10人獲升資深大狀係回歸以來最多人嘅一年，除許紹鼎，仲有3位嚟自律政司，包括梁卓然、譚耀豪同華偉思。祁志、包智力、藍德業、杜淦堃、文本立亦喺今年齊齊take silk。
李八方
mailto:[email protected]<