噚日有傳香港電視透過買亞視來復活，長期被打壓、以非法廣播來公民抗命、爭取開放大氣電波嘅民間電台亦傳來好消息，民間電台台長曾健成噚日喺facebook公佈，由於民間電台早前嘅一宗官司勝訴，通訊事務管理局辦公室3名職員噚日就派人親自去到民間電台，歸還咗發射、天線、火牛3件廣播「法寶」畀阿牛簽收。
網友嗱嗱聲叫阿牛話檢查器材有冇壞，有壞就要申請賠償，要政府賠錢。點知阿牛試咗一試，發現個火牛已經失靈，所以要諗吓點樣去追究。佢話，通訊辦嘅職員服務態度好好，專登等佢由台灣返香港後，先至物歸原主。
李八方
mailto:[email protected]<