帕奎奧（小圖）對美韋達場「世紀拳賽」雖然喺五月二日先至喺賭城舉行，但菲律賓拳王帕奎奧一早已經喺加州備戰，日前佢就索性豪花1,250萬美元（約9,750萬港元）買咗比華利山一座面積一萬平方呎有七房嘅豪宅，等自己住得舒服啲。不過，據報呢單買賣一直都傾唔成，到咗帕奎奧使出殺手鐧，畀咗四張世紀拳賽嘅門票賣方，呢宗買賣先至順利成交咋！