小米創辦人雷軍噚日喺微博上載一張疑似電影海報，上面有佢同內地藝人黃曉明半個大頭，老實講如果唔係上面寫住「雷軍」，真係睇唔出係佢，佢化妝後相當型仔不在講，仲黐咗二撇雞，跟雷軍平日嘅模樣相差太遠了吧！
海報上大大隻字寫住「風口」，明顯係借用雷軍嘅金句「站在風口上，連豬都會飛」，意有所指。除咗上載呢張疑似海報，雷軍又透露自己前日第一次拍咗幾個電影鏡頭，又好謙咁話「演電影我肯定沒戲」，擺明要故弄玄虛。
小米公關回覆時支吾以對，大賣關子，呢件事睇落比較似係宣傳伎倆。有網民就估，佢哋係宣傳內地一個電影頻道喺4月18日舉辦嘅第5屆北京國際電影節華語電影新焦點活動。雖然呢件事十分古怪，但確係創意十足，惹來大家關注。