八方之前都寫過，今年因為係國學大師饒宗頤一百歲壽辰，港區人大代表王庭聰預告喺年底要為佢設宴祝壽，中大更搶閘喺本月中已經為饒老舉行祝壽晚宴，就連特區政府都唔執輸，為饒老百歲生日大搞特搞。
民政事務局局長曾德成噚日喺網誌話呀，饒老用咗一個世紀時間研究學問，學術界公認佢開拓咗多項學術研究，而香港能夠成為佢探求學問基地係香港嘅榮幸，所以局方會全力支持各項關於賀饒老百歲嘅活動，好似康文署會喺中央圖書館為饒老舉行「走近饒宗頤——饒宗頤教授學藝兼修」展覽，港大饒宗頤學術館亦會同時舉行國際學術研討會配合，總之機構有任何活動搞，政府都會盡力十卜。
李八方
mailto:[email protected]