當民主黨何俊仁都要上台耍武當劍法為黨籌錢，街工前晚30周年晚宴，作為街工嘅唯一立法會議員梁耀忠，點可以唔露兩手？阿忠喺當晚罕有上台唱咗兩首歌（圖），包括《民主會戰勝歸來》同《中國夢》。阿忠話，當晚籌款安排係可以捐錢叫佢唔好唱、亦可捐錢叫佢唱，最後都有機會上台solo。
除咗梁耀忠，晚宴仲有岑建勳，佢都唱咗首《Imagine》為街工籌錢。當晚座上客仲有名導演許鞍華。阿忠話當年許鞍華拍以社運作為背景嘅《千言萬語》，搵咗佢做資料搜集，之後拍《男人四十》，亦借咗阿忠當年做教師嘅學校取景，近年拍《天水圍的日與夜》，都係問阿忠借地方，難怪許鞍華咁捧場啦。
李八方
mailto:[email protected]