【專家意見】
圓玄學院昨日發生的無人駕駛接駁巴士俯衝事件，汽車駕駛教師公會董事長衛守勳教路，若乘客遇到同類事件，即場充當司機救車，除了應握實軚盤控掣車輛方向外，亦應嘗試盡量拉手掣或踏腳掣，令車輛慢慢停定。
衛守勳不諱言在今次事件中，可能涉及司機「操守問題，唔小心，唔依安全守則做嘢」。他同時建議司機停車後，除拉手掣外，在落斜時應入後波及扭左軚；停上斜路段則應入一波及扭右軚，以令車輛一旦意外溜前溜後，可有路邊石壆阻撞。
香港汽車高級駕駛協會主席蒙海強則懷疑司機拉手掣拉得不緊。他形容手掣是教車業界眼中的所謂「內鬼」，表面上司機可能以為已經拉實手掣，其實不然，結果導致車輛滑行肇禍。他提醒司機不可掉以輕心，在法例下離開司機位或車輛，有責任確保車輛已經熄匙及拉好手掣。
■記者簡明恩、梁澤岡