迪士尼樂園度假區昨日舉行慈善跑活動，馬詩慧（Janet）與15歲兒子王躍穎、蘇志威與七歲細女靖珺、趙海珠與愛兒Hayden、陳倩揚則帶同分別三歲及兩個多月兒子到場，參與「三公里親子組」，未出發前，Janet已經先旨聲明未必能完成賽事並感到很大壓力，她說：「剛才坐車嚟嗰時見到一公里咁遠都未完，真係做嘢都冇咁驚，日前自己練跑，對腳都痛咗幾日。」身邊仔仔則說不會等媽媽，會自己先跑過終點。
父女檔互相鼓勵
陳倩揚胸前揹住未夠三個月大的細仔，跟丈夫與三歲大仔一同參賽，她表示平日會跟大仔跑步做運動順便瘦身，她說：「用咗50分鐘左右完成，快過上年成績，舊年抱住大仔跑辛苦啲，今年冇咁辛苦，因為細仔𠵱家15磅，輕大仔好多。」她更透露下月11日將會為細仔擺小型百日宴。
蘇志威指藉着親子賽跟細女做運動，順便灌輸擔任活動大使能夠幫助別人的訊息，問到太太跟大女為何沒有參加？他說：「16歲大女經已有自己社交圈子，好少會跟隨出席活動，而18歲（指太太）嗰個仲瞓緊。」蘇志威更謂過去很忙未有時間陪囡囡練跑，惟有大家父女邊跑邊互相鼓勵。
採訪：馬建華
攝影：陳順禎
