澳洲新星連達文周日在港作處子戰，此子近兩季在澳洲都贏過百W，職業生涯累積511場頭馬，來頭絕對唔嘢小。禮拜日佢嘅九匹座騎來自幾個唔同馬房，當中摩廐「共創美好」同容廐「野孩子」都係贏完唔轉路程。
其中第八場「野孩子」贏完由連達文接手，本身與同廐另一快馬「手到拿來」都係臨時加入報爭三班千二，上次贏馬同今次欄位一樣，幕後計過度過用新配搭都夠料添食，動機唔使懷疑；至於出戰尾場二班1400米「共創美好」，自轉投摩廐後，跑1400米三次共兩冠一亞全入Q，可見路有專長，加上騎者已連續三日摸實此駒，人馬默契應逐漸建立，且看這澳洲新星能否在周日建功，取得一個美好開始。