林敏驄、郭子健、黃智亨加起來會變成甚麼？可能就像他們所言「大家好似啱啱出院一樣」。三人日前一起宣傳新戲《全力扣殺》，想不到兩位導演會跟阿驄一齊癲，一齊笑。先問問郭導，開拍羽毛球故事的原因？他說細個曾加入羽毛球校隊，跟何超儀一拍即合：「拍完《打擂台》超儀問我想拍乜戲，我話想拍羽毛球，點知佢又話想玩，大家就向呢個目標進發。」
戲中一大亮點是飾演羽毛球高手的林敏驄，與鄭中基的連場搞笑戲，當中阿驄噴射式嘔向鄭中基一幕，核突又搞笑，阿驄卻笑說：「我喺水壩將所有冤屈氣嘔晒，吐晒去鄭中基度，在公在私都非常過癮，真係義不容辭，唔收片酬都嚟。」郭子健表示：「我哋決定用林敏驄時已經諗住佢嗰神經質嚟寫，既感性又黐線。」