領隊收風:冰島打突擊追[角細] - 本地職業領隊

領隊收風:冰島打突擊追[角細] - 本地職業領隊

歐洲國家盃外圍分組賽戰火重燃,意大利今晚就作客排呢組第四位嘅保加利亞;論名氣同實力,意大利都高好多,不過,呢隊名牌至今仍未搵到合適打法咁,四場小組賽都係一球上落,意大利食經驗,小勝機會幾大,先要呢場「客勝」。
另一場就跟老友荷蘭仔嘅心水,哈薩克對冰島(藍衫)嘅角球要「細」。身處彼邦嘅荷蘭仔話哈薩克出名魚腩部隊,但主場出擊都會想守好啲,務求搶分,而冰島今屆異軍突起,佢哋啲反守突擊戰術清脆利落,又有出名遠射好勁嘅基菲爾施古臣喺到,因為主要打突擊,所以角球較少,暫時咁多場小組賽,每場都拎唔多過六個,呢場開中位數9.5個,一於再追「細」!

同荷蘭仔講完外國嘢,佢問起港隊近況,佢話收到風大細港腳呢期都相當忙,但都唔知波總啲安排點解咁差:「領隊!波總大細代表隊請請埋埋成十個教頭,但點解搞到好似只得一個高麗金先識得教咁,呢頭飛去台灣帶U22對澳洲,打完飛返香港帶大港腳友賽關島,之後又要趕過去高雄?」
我話咁都唔奇,星期日仲趣怪,無端端安排場聯賽由流浪漢對志氣隊嘅港超補賽,一隊爭緊聯賽冠軍,一隊有降班壓力,特別流浪漢成四五個入選代表隊,其實大條道理可以申請改期,但要喺呢個日子補賽!你話搞咩?
本地職業領隊
耳聽八方 專收好料