「輝爺」王宗堯、「方凝」周家怡和「阿咩」楊淇昨日在謎米新聞網直播室跟網民玩Q&A。除心路歷程、難忘場面等，還有一些有趣問題，或許可以滿足吓大家對《導火》的好奇心。
1.《囧報》個office，係咪真係報館嚟㗎？
宗堯：係HKTV四層大樓中其中一層，屬新聞部office，分咗一半做廠景。
2.點解劇中間報館叫《榴槤日報》，係咪影射先？
家怡：冇，之後會解釋番，大家唔好誤會。
3.點解輝爺咁肥？
宗堯：逼陣「佬」味出嚟，到開拍《選戰》前十日，就特登狂操減肥變型男張癸龍。
4.宗堯喺兩劇都食女無數，驚唔驚被定型？
家怡：唔使驚，佢已經定咗型！
楊淇：啱㗎喇，男人係應該食女㗎嘛！
5.點睇三跑？
宗堯：貴囉，有人話筆錢可以成個英超買落嚟，𠵱家香港機場係咪真係繁忙到需要一條咁嘅跑道呢？
家怡：我關心生態，點樣可以將白海豚移開……呢個唔係魚缸，海嚟㗎嘛。
6.特首梁振英話北韓都有普選……
家怡：我要諗一諗佢呢句嘢後面意思係乜嘢先!?
7.點睇HKTV……
家怡：問我想唔想佢拍落去，咁我梗係想啦。但世事豈如人意，如果唔得，我又唔可以沉淪落去，話點解點解佢唔拍呀。
8.如果畀你揀新聞Bit，想揀邊樣？
宗堯：想跑突發，我覺得做記者需要有企喺最前嘅使命感。我最記得嗰87枚（催淚彈）嗰陣，記者喺度幫我哋報道新聞嗰陣，其實佢哋都食好多。