早前已經寫過英國本地球員喺聯賽出場比例好低，相比巴塞、皇馬及拜仁，主力有好多本地球員；相反今季為球隊出賽超過二十五場嘅英格蘭球員：阿仙奴零個、利物浦兩個、車路士兩個、曼聯一個及曼城兩個。英格蘭球員冇咩機會上陣，更何況年青球員？
上陣時間重要，但更重要嘅係足球文化。教育、資源分配、青年軍培訓等係好緊要，但都唔及足球文化咁重要。英國足球文化講熱血、鬥志同進攻。所以咁多年嚟英格蘭國家隊嘅隊長係好有火，但就唔夠冷靜。如果英國嘅足球文化仍然只推崇不停進攻、熱血足球嘅話，成功，或者仍然有點遠。引用告魯夫嘅金句：「街上踢波嘅小朋友，比有教練教嘅更重要！」因為嗰啲小朋友都有好技術，當佢哋成為真正足球員，一定可以踢得更好。
英格蘭（圖）呢一刻未改變制度，但係今周佢哋對立陶宛，贏波應該無問題，球隊外圍賽四場贏晒，贏埋今場出線機會大好，贏兩球都嫌少，3:0就啱數！
LULU
不懂踢波愛睇波