4月1日前，又係各大小諮詢委員會換人旺季。特區政府上周公佈咗青年事務委員會，由華人置業主席劉鳴煒接任主席，預料最快今日公佈埋同屬民政事務局管轄嘅公民教育委員會主席人選，到底邊個接替李宗德？據聞係現任委員彭韻僖。年約50歲嘅彭韻僖去年9月成為首位律師會女副會長，佢曾經出任「香港青少年軍」嘅前身、即係「香港青少年軍事夏令營」籌委會主席，背景都幾紅，唔知上任後又乜火紅大計？
八方聽聞，主席人選遲遲未公佈，事緣彭韻僖未必係政府首選。據聞政府至少曾經斟過一位商界人士「空降」掌舵，可惜神女有心、襄王無夢，最終未能成事。