茅台被稱為國酒，在內地股壇地位亦霸氣無比。自2006年成為滬深兩市第一貴價股後，斷斷續續有長達六年時間都係股王。其間曾有多次，股價一度被其他股份超越，但最終都會攞番股王身份。最神奇係，凡挑戰茅台的股份，最後一定冇好下場，之後股價必然暴跌！呢種奇怪現象，在內地股壇被稱為茅台定律。
過去八年，曾挑戰茅台股王地位的股份包括中國船舶、世紀鼎利、神州泰嶽、長春高新、海普瑞、東方園林等，其後股價全部插水，股價由三位數得番雙位數（不涉股份分拆）。茅台昨收報198.56元（人民幣．下同），在A股排第三。禮拜一全通教育升至324元後，呢兩日馬上暴跌16%至昨日收報273元，而家新股王係朗瑪資訊，昨收報282元，但以茅台定律準繩度，呢兩隻股恐難有好收場。
黃尹華