【本報訊】「好少見佢哋（死者及妻子）嘈交，亦好少見佢哋一齊出入。」與殺夫案死者林丁財為鄰的多名住客都表示對事件兇案感到愕然，並指出姓林一家入住啟田邨多年，但是兩夫婦很少與街坊打招呼，妻子因要工作，早出晚歸，林則經常戴着漁夫帽到樓下公園閒坐。
「冇聽過佢兩夫婦嘈交，但間中聽過佢哋兩個女爭嘢嘈鬧聲。」鄰居袁先生形容姓林死者身材不高，間中見到對方，但是從未見過林妻，曾經與林打過招呼，傾談過幾句，但是並非深交，故不清楚對方家事。
袁先生又說，平時鮮有聽聞林氏夫婦爭吵，但昨凌晨約一時，曾聽聞他們嘈交：「都幾大聲，但聽唔到嘈乜嘢，只知唔係叫救命聲，而且嘈咗兩句就冇聲。」
袁先生因此不以為意，繼續睡覺，直至昨日早上警員上門調查案件，他才知悉事主身亡，感到很突然。
不應輕視頭部受傷
急症科專科醫生馮顯達表示，不應該輕視頭部受傷，就算表面看似傷勢不重，亦有可能會出現腦出血，為安全計，家人應該盡快將傷者送往醫院，因為腦出血初時未必出現或者量很少，但去到醫院若有任何變化，醫生會建議傷者觀察及檢查，可及時進行治療。
■記者馮國良、徐雲庭