名模樂基兒（Gaile）昨日於太古城為Timberland的春夏新裝行騷，Gaile宣佈將再以香港為基地，她說：「離開咗香港四個月，想base返喺香港，𠵱家慢慢適應番，之前忙珠寶同旅遊，返到嚟都會迷路。」問她是否希望留港做生意？Gaile說：「我做生意唔叻，唔好搞！」
明顯纖瘦了的Gaile說：「我有做瑜伽、拳擊同跳芭蕾舞，唔係為咗減肥，就嚟夏天，想body好啲。」問她會否考慮接泳衣騷？她說：「Maybe，嚟緊有個工作係同滑水品牌合作。」至於感情生活，Gaile表示很享受單身，她說：「對於我嚟講拍拖同建立關係都比較煩，我成日飛，拍拖唔係首選，enjoy做嘢先。」問到是否很多人追？她則笑說：「Maybe。」
採訪、攝影：羅慧敏