林欣彤（Mag）日前被爆曾遭初戀男友Ben暴打，Ben在社交網站透露是Mag一腳踏兩船，更留言「見到佢（第三者）瞓埋我張床」有指第三者是三人組合天堂鳥的隊長葉灝基（Gordon）。昨日天堂鳥先後出席兩個活動，其中一個更與Mag舊愛羅孝勇同場。
「個腦空白咗」
昨日傍晚Gordon、羅孝勇及糖妹等一起出席在灣仔會展舉行的微電影頒獎禮，當記者要求兩人合照時，Gordon大方答應並向羅孝勇方向行去，但羅孝勇即被助手拉開，助手更表示：「唔好啦，公司唔想。」稍後Gordon接受訪問，對有人指他借事件抽水上C1頭條時，他說：「我收到唔同消息，知道大家關心我，但我同Mag係普通朋友，亦唔想影響任何人包括天堂鳥、Mag同我嘅事業。」
Gordon透露前晚一直沒有睡，怕影響其餘兩位成員：「唔想傷害任何人，我唔係小三，唔係床上嘅人。」他強調雖然有Mag的聯絡但會過一排再找對方，他說：「唔想人話我做新聞。」在較早前另一活動上，Gordon已作過一次解釋，他說：「前一日答記者話『我同佢（Mag）已經冇關係喇！』係因為反應唔切，個腦一陣空白咗，就算𠵱家都好驚。我識咗Mag 4個月大家係朋友，亦唔識佢前男友。」
羅孝勇接受訪問時表示昨日收到記者電話才知事件，他說電話群組的朋友都很關心Mag，不過她暫時未有回應。他又說不知道Mag的眼是如何受傷，但就感覺到她情緒起伏大已有一段時間。羅孝勇又表示不認識Ben，不信前度是一腳踏兩船的人。
採訪：張俊銘
攝影：陳俊強
