狼英的N屆都唔選，長期高據偽語榜首。羅飯「將來有個更咩的……說法」接力，有機會雙冠軍。
更咩的……好使好用，方方面面：
一，我唔排除更咩的……可能，選咩，定唔選咩，有咩奇呢？更咩的……我都做得出！冇呃你！
二，差佬寫錯字，阿sir夾錯口供，有咩啫，更咩……都照扑啦。農和道，錯咩？再咩，拉你返差館強姦！
三，上水成條街都是藥房，鄉紳叔伯霸街收租，發過豬頭丙。但更咩……的，是大浪西灣起五丁屋的漁護署高官。推土機開了頭，更咩的陸續侵蝕郊野公園，咩都冇剩。獅子山遲早被自稱原居民的，起七層唔知似咩的豪丁。
四，左報說，水貨客被趕後，金鋪即刻吸引了槍客，恐怕更咩的……會食住條水，來香港搶住先。
「將來有個更咩的說法。」羅飯是指六四。就咩啦，說解放軍開槍，是阻止民眾在長安大街和木樨地搶劫！更咩的，指控港獨與外國勢力冒充解放軍，開槍搶劫！六四，完全唔係咩鎮壓屠殺，係持械行劫！