【拆局】
特首梁振英近日在多個場合不斷向泛民開炮，昨日更叫人用選票逐泛民出議會，建制、泛民陣營感譁然外，對梁目的及有否成效，各有不同解讀，有人認為變相為泛民拉票，但也有人認為可令一些中間選民不投泛民。有政界人士認為，梁盤算不在泛民選舉勝算，而在於凸顯其強勢，而且香港越亂，對他連任越有利。
「想香港再亂過」
該政界人士表示，梁振英不會未想過，由他呼籲用選票逐泛民出議會，有可能出現反效果，變相為泛民拉票，「明顯係佢盤算之下，會唔會影響泛民選舉勝算，不在考慮之中」，他相信梁這樣做，是要向中央凸顯其強勢、強硬，「敢於向泛民挑機、同泛民全面開戰，呢個係佢爭取中央支持賣點」。
另一名泛民中人相信，梁是刻意挑動爭端，「從佢近日喺多個場合，不斷向泛民挑機，就知道佢係有心撩交打，根本就想香港再亂過」。該泛民指出，不少建制派認為，香港越亂對梁連任越有利，「只有香港越亂，佢強硬立場先越有賣點，北京投鼠忌器下，越唔敢換佢，佢就越有機會爭取北京支持連任」。
■記者莫劍弦