周日(29日)沙田日賽，21歲澳洲年輕好手連達文初次在港登場騎至煞科，首戰將策騎9駒之多，包括會夥拍楊千嬅奶奶嘅愛駒「野孩子」爭取連捷；而連達文的前輩兼同鄉，比他級數高得多的韋紀力，周日則來港客串一天，做雷霆救兵，舒緩當日騎師不足問題。韋紀力2011年曾策「多利得」贏得香港瓶，而啱啱上周六則為一匹三歲馬勝出澳洲2000米一級賽攻瑰崗堅尼，可見呢位猛將近態大勇。
韋紀力周日暫時卜定的座騎中，包括為蘇偉賢馬房兩位大馬主效力，分別係深圳龍華鎮首富謝國輝的團體馬「金龍華」，以及蘇啟聲的愛駒「共創輝煌」。
其中「共創輝煌」前仗谷草蝕位下衝贏對手，成功打開在港勝門，顯示已適應環境，上場再出一時未能消化加分，只能跑近無大不了，今次重返沙田作賽有新鮮感，加上韋紀力鬥志十足，隨時可取得今季第二win。