【爆相爆片】曾患抑鬱症的小巨肺林欣彤（Mag），去年被爆三度翻撻初戀男友Ben，昨日本報收到讀者葉小姐爆相報料，指今年1月26日由大阪返港，於航班上見到戴口罩的Mag和戴帽的Ben刻意分開坐玩避忌。據葉小姐表示：「佢哋搭夜晚6點幾機，兩個最遲上機但分開坐，全程冇交流，因為要再搭接駁巴士，佢哋企喺隔蘺都唔講嘢，Mag攞完行李自己走。」
Mag和Ben今年1月才蜜遊大阪，昨日卻有雜誌驚爆Mag疑被前男友三度暴打，去年10月更被打到右眼又瘀又腫，並於年尾決定分手；至於Ben連月來在社交網數臭舊愛「林小姐」三次出軌：「之前覺得俾人知戴綠帽好羞家……𠵱家見到佢瞓埋我張床，揭發你嗰時仲要鬧番我轉頭。」為甚麽去年12月分手，今年1月卻可以蜜遊大阪？
至於Mag回應雜誌時直認曾被推撞：「當我知道他這樣抹黑我覺得好心痛，也覺得好可怕……原來愛的反面，可以恨成這樣。」有指Mag和Ben於中一時拍拖，12年來兩人三合三離，Ben聲稱在Mag患病時辭工照顧她，自己問心無愧，而Mag就向閨密呼冤從沒出軌，強調因被打才決定分手。雖然她飽受情傷，但前晚現身英皇15周年活動表現開心，還嘟嘴跟鍾舒漫、泳兒等合照貼社交網。
舊愛力撐
昨記者致電Mag求證，但至截稿前沒回覆，曾與她拍拖3年的羅孝勇接受電話訪問時對Mag疑遭家暴說：「好surprise，會唔會係發生意外？」對於Mag被指控出軌，羅孝勇強調：「完全唔會關我事，我唔知佢之前嘅嘢，我𠵱家有女朋友。唔理真相係咩，如果個男仔特登咁做，係真、係假都係唔啱，阿Mag做呢行影響好大，總之打人就唔啱。」
採訪：非非
【受害女星抗暴力】
近年娛樂圈家暴事件屢見不鮮，女藝人被男友或老公虐打經常發生，而現今女性亦不再啞忍，紛紛站起來正視事件。
