網上流傳一個新消息，「持中國護照的中國國籍遊客目前不可在日本租車」，嚇到班崇日港人心肝仔冇肉，「特區護照係咪都算中國護照？早知攞番BNO啦！」
費清去啲日本網睇過，部份租車網如豐田租車（Toyota Rent a Car）新增咗呢個提示，仲寫到明「無論是否持有所謂國際駕照不可租車」。香港人去日本自駕遊，多數都會攞國際駕照㗎，唔通真係……
#港人不在此限
經旅遊達人項明生，識咗仙台市政府官員長谷川人（Kurato Hasegawa），立即WhatsApp問佢。佢解釋，日本只係規定，內地人持有中國護照，就算有國際駕照都唔可以喺日本租車自駕遊，香港人不在此限。
佢仲乘機sell香港人去仙台自駕遊。仙台好多自然風景，除咗狐狸村，仲有貓島「田代島」，係貓奴天堂。佢成日喺自己facebook放仙台靚相。（絲打可以search佢fb贒吓，都幾有草食男feel㗎）。
佢冇解釋點解會有呢項規定，但費清睇到強國人喺日本賞櫻，搞到成地垃圾（圖）、又搖晒啲櫻花落地，可以想像如果強國司機喺日本橫行……同事話，日本係接受香港嘅國際車牌，聽講部份強國人近期去香港攞國際駕照，然後去日本就用呢個牌租車自駕遊。今次嘅規定，唔通就係針對呢個漏洞？
費清 ＃要生計，也要生活 ＃毋忘初衷