著名日本女優京香Julia最近被邀來港為「關懷愛滋」演出男士性健康的宣傳片，今次她將會與商台的主持毫子合作，前晚她到《蘋果》接受專訪，從未與日本男優以外的人做對手的Julia，笑稱今次是一個新嘗試，她說：「呢次係第一次同香港人相處，好期待今次合作，作為一個AV女優，性已經係工作一部份，但喺中國人嘅社會，性係一個好避忌嘅話題，所以我好希望多啲人關注AIDS呢個問題。」她更說：「我知道佢係第一次拍呢啲戲，開工嗰陣會教佢識一啲嘢，例如點樣營造浪漫氣氛。」
Julia先後拍過不少AV片，她坦言開工前都很謹慎並說：「我每個月都會做一次HIV、驗孕同性病嘅檢查，確保自己係健康，我都會要求做對手嘅男優，喺拍戲之前都要做同類檢查，再俾我啲同事做檢查，冇事先會開工。」日常的身體護理，她則說：「飲食方面要食多啲菜同飲水，臨瞓前會搽cream喺個胸，跟住戴專用嚟瞓覺嘅bra，每個星期都會去美容院護理皮膚同按摩胸部。」至於會否希望來港拍電影，Julia則說：「如果嚟緊有機會拍戲或者廣告，我都好有興趣參與，就算要我一個禮拜嚟一次，甚至長時間喺度都冇問題，最緊要大家支持。」
採訪：何慧斯
攝影：郭賢興