做英文教師出身嘅阿里巴巴創辦人馬雲，最近可能教書癮起，有報道話佢即將會喺長江商學院授課，向一班參與「家族企業領導力」（iLEAD）課程嘅富二代教路，交流創業與商業發展經驗。呢個iLEAD課程今年夏天就會開學，一向魅力十足嘅馬雲，到時唔知會唔會有「奇遇」呢？
華華咁講當然有原因，查實呢間長江商學院一向出名係「釣金龜」聖地，近幾年唔少富豪都難過美人關，爆出唔少富豪花弗新聞。就好似地產大亨、萬科（2202）主席王石，就試過喺二○一二年喺長江商學院戀上女演員田樸珺；SOHO中國（410）董事長潘石屹亦試過被人傳佢喺長江商學院另覓新歡。馬雲真係要定力十足先得喎。