邢嘉倩、王曼喜、鍾麗淇等昨日在黃竹坑的幼兒教育中心Bebegarten，出席港安醫院為癌症病童籌款活動。邢嘉倩一向喜歡小朋友，今次為活動借出其幼兒中心做場地，影大合照時更肉緊攬住小妹妹，甚有愛心，她未有接受訪問，本報之後致電給她，她表示：「係好鍾意小朋友，兩個妹妹我都有份湊同佢玩。」記者讚她愛心氾濫，會否以繼母林青霞為榜樣渴望做母親，她笑言：「佢絕對係好榜樣，生BB係講機緣，我覺得做媽咪係一種blessing（福氣），自己都想生小朋友，希望可以有四、五個小朋友。」
王敏德與馬詩慧的大女王曼喜幫手在活動教小朋友行catwalk，她笑言是代替母親工作：「本來係佢教小朋友行騷，不過佢唔得閒所以我做替身。」王曼喜透露只得到一小時綵排，她說：「有個得兩歲，講左幾次都唔係好明，不過頭先已經好叻。我都幾鍾意做production工作，仲鍾意過做modelling，間唔中有大型少少嘅騷都想試。」
鍾麗淇囡囡支架行路
此外，鍾麗淇更是醫院兒童特殊需要基金創辦人，是日未有帶患有四號染色體缺損綜合症的四歲女兒Isabella出席：「佢𠵱家已經可以用支架支撐走路，如果佢有興趣行騷，我都會鼓勵，我好proud of我個女，不過係人扶住佢就唔行，𠵱家都畀佢試下自己行，屋企有地毯，由得佢跌吓，腳仔有時會瘀咗，我OK，係老公就心痛啲。」
採訪：盧妹
攝影：仇志德
