郭富城昨晚出席於中環元創坊舉行，由三大歷史悠久的釜山國際電影節、香港國際電影節及東京國際電影節與「酩悅香檳」聯合主辦的「酩悅亞洲電影特別大獎典禮」，城城即場獲頒亞洲傑出男演員，中國文藝女星王麗坤及來自韓國的李秀赫則瓜分亞洲飛躍女演員獎及亞洲飛躍男演員獎，出席嘉賓包括米高積遜（Michael Jackson）三哥Jermaine Jackson、Jessica C.、Ana R.及莊思敏等。
膺亞洲傑出男演員
官仔骨骨的城城昨晚透露《西遊記之大鬧天宮》已經拍完，稍後會再為新片試造型，同時為馬來西亞演唱會準備。昨晚領取亞洲傑出男演員獎項，他坦言很開心：「覺得好榮幸，好鼓勵，一直都覺得電影好靠近生活。」昨晚城城首次與Michael Jackson三哥Jermaine Jackson碰面，有傳兩人之後會合作，城城謂：「係有咁嘅意向，但唔可以透露住，之前大家未見過！但如果合作一定係音樂方面，唔會係電影喇！」
至於Jermaine Jackson被問可感跟城城很有緣？他說：「係，之前佢同妹妹（Janet Jackson）合作過，覺得好有緣，知道佢好鍾意MJ，都聽過佢啲歌，覺得佢好出色，今次見面好開心。」Jermaine承認跟城城有合作，但就賣關子不肯透露。他又說：「今次會喺香港留兩星期，之後會去馬來西亞探細佬，有個一級方程式大賽音樂會，希望會去亞洲各國，延續MJ的夢想。」
採訪：黃曉妍
攝影：仇志德
