我叫阿勝，是一個超級馬迷，每逢跑馬日，都會推晒所有活動，一心一意賭馬。冇馬跑的日子又點？朝早我去馬場睇晨操，睇完晨操，就睇出賽馬嘅賽事片段，一睇就睇成日，然後瞓覺。第二朝周元復始，直至跑馬日。
可能有人問：「你咁多時間，你不用上班嗎？」冇錯我不用上班，但賭馬就係我份工。
咁我賭馬成績係點？正如我嘅名一樣「勝」！喺馬場我唔止贏到錢，仲贏到個女人，佢就係阿美，人如其名是一個美女。
而我之所以係咁贏，因為喺我不斷做功課下，發掘到隻馬王，就係「銀灘寶」。呢隻馬每次出賽我都會捧場，每次都出閘最快，行路快過其他馬跑步，其他馬開晒鞭都埋唔到佢身，最後又贏十幾個馬位。
可惜一切已成過去，某年11月18日，「銀灘寶」又再出場，所有對手根本唔係佢嗰皮，所以我成副身家瞓身買，就連用嚟同阿美結婚的錢都買落去。賽事一開始「銀灘寶」行路快過其他馬跑步，一切如以前一樣，直至終點前......
點解咁講？因為隻馬竟然在終點前跛咗。今次係我同「銀灘寶」第一次輸，亦係最後一次。因為隻馬被人道毀滅，我唔止成副身家冇晒，連阿美都捨我而去。因為呢件事，我被迫戒賭，因為我已經乜都輸晒，唔止錢同女人，連人生都冇晒......