民建聯九龍西立法會議員蔣麗芸，日前帶住「BB」出巡，惹嚟哄動。咦，乜佢同老公梁海明，原來已經有個愛情結晶品，點解一直冇聽聞？嗱，大家誤會咗嘞，事關元秋嘅BB，其實係一隻四歲狗狗，八方聽聞元秋錫到佢燶，正如其他愛狗之人，視如己出。
日前元秋就帶住BB，去到船灣淡水湖出席動物醫生慈善步行（圖左），而當日有成幾百人一齊同貓醫生、狗醫生齊齊散步，難得可以同BB遊樂兼做善事，真係一舉兩得！元秋話呀，當日最難忘係一隻「三腳犬」同普通狗仔一樣行得瀟灑自如，引述「三腳犬」主人話，呢隻狗仔從來唔覺自己不如其他狗，認真堅強。