港將蔡倩婷噚日喺灣仔運動場出戰田徑系列賽，本身想挑戰自己保持嘅三米二五撐竿跳港績，可惜最終失敗，不過都以三米一○封后。呢位港產「鳥人」正職係空姐，平時要儲假去備戰，佢就大嘆香港訓練設施唔夠，水平好難提升；好似男將劉覺鴻噚日以四米二九刷新港績，同亞洲嘅五米標準仲有段距離。香港接力星將吳家鋒，就以二十一秒一一稱霸男子二百米跑。