悶咗成個禮拜，F1今個周末又返嚟嘞！一早到咗馬來西亞備戰嘅平治車手羅斯保，準備比賽之餘亦都不忘照顧支持者，勁親民嘅佢早幾日就喺fb搞咗個活動，畀機會一班大馬fans同佢見面兼影selfie。羅斯保噚日就發放閃光彈，post咗同七位fans喺吉隆坡名勝雙子塔前面影嘅合照。唔少住喺大馬以外嘅fans，都慨嘆「這些機會不是屬於我的」。