求驗客手記:大雨腰斬 鳳凰得利

求驗客手記:大雨腰斬 鳳凰得利

布里斯班獅吼噚日主場對威靈頓鳳凰場澳職,場波踢到七十三分鐘,由於太過大雨而搞到球場嚴重積水,結果球證米拿決定腰斬比賽。雖然場波未打晒,但因喺腰斬前鳳凰領先2:1,所以呢支新西蘭球隊獲判贏波,仲歷來首次作客贏獅吼。澳職賽會事後解釋:「最後結果係睇當時比數。如果場波半場就腰斬,就必須重賽。」

網民投訴足智彩拒派彩

至於足智彩就宣佈,有關嘅單場投注將獲退款,而「首名入球」、「第一隊入球」、「下一隊入球的第一至第三球」、「半場主客和」、「半場波膽」、「半場入球大細」及「特別項目」的彩金則根據宣佈嘅結果派彩;相關嘅過關投注仍有效,當成功過關處理,賠率為一倍。有《蘋果》讀者就對足智彩嘅安排好失望,Eden Lau喺fb留言,話佢哋厚顏無恥,因為賽事腰斬前角球已經十六個,但𠵱家全部當無效,認真冇癮。