港視劇《導火新聞線》兩大幕後主腦總導演方俊華和編審潘漫紅領軍，為新劇注入生命，給有潛質的演員翻身機會，令收視下滑的港視劇帶來一點生機。
二十年前樹仁新聞系畢業的潘漫紅認為梁小冰、周家怡和楊淇演出恰到好處，她說：「小冰代表傳媒以收益為先嘅人。家怡謹記新聞道德係點，佢見到小冰做所有嘢係背道而馳，希望借呢兩個人物去講，畀佢哋有反思，小冰用重口味吸引讀者，係會為呢個社會建立啲咩，希望好立體咁畀觀眾睇，𠵱家記者工作係面對天人交戰情況。」無綫過檔港視再轉投now的總導演方俊華說：「三個都做得好好，小冰本來唔係咁惡，家怡就俾我哋扭得佢比較大，出來效果OK。」
方俊華和潘漫紅在慣性收視孕育成長，潘直言對收視感到失望：「收視冇得擔心，有日睇到收視係有少少欷歔，四萬點擊，九萬直播，香港有八百萬人，點解百分之二都冇，大家放咗咁多心機，一樣見得人嘅嘢，𠵱家咁樣好唔環保。」
採訪：楊潔雯
攝影：仇志德