衞冕曼城目前在英超的形勢可說是「前無去路，後有追兵」，被榜首車路士拋離之餘，三至五位的球隊又來勢洶洶，因此「藍月」為保住些微奪冠希望兼保住下屆歐聯席位，在周六聯賽早場迎西布朗時必搏；適逢西布朗未能「夫添」，一於直取曼城[-1]「主勝」。
目前在聯賽以二十九戰得五十八分排第二的曼城，近仗接連失分後形勢麻麻，落後榜首車仔六分之餘，更多踢一場，而只分別領先三至五位的阿仙奴、曼聯及利物浦一至四分；只要藍月在餘下的聯賽稍有差池，莫說要衞冕英超，更分分鐘連下屆歐聯席位也失去。正因如此，他們今役迎西布朗時，一定會醒醒定定，全力爭勝。論近況，曼城說不上好，近九場聯賽只得三勝三和三負，不敵強隊如利物浦之餘，連面對弱旅如般尼都落敗；加上剛在歐聯出局，今役正宗哀兵上陣。不過，有謂「受傷的獅子」最可怕，球隊極可能會在西布朗身上出氣，加上一眾主力如前鋒阿古路、中場大衛施華及耶耶托尼等都可以候命，不難大數一場。
西布朗缺正選門將
西布朗改由普利斯掌帥後，表現明顯好轉，近五場聯賽三勝一和一負，並暫離降班漩渦。不過，今訪曼城時，他們不單有兩名中場耶高比及布拉特停賽，正選門將賓科士打亦因傷缺陣，今役就算受讓，亦難高估。
文：吾中
識睇，一定係睇足英台【英波Live】：
http://soccer.appledaily.com
http://bit.ly/engballlive