蔡思貝曾被杜汶澤指貌似木村拓哉，早前又被指與李雲迪樣貌相似，亦有網民指她似網絡紅人達哥。蔡貝思和達哥昨日終於相遇，齊齊在灣仔出席「超宇宙大格鬪」揭幕禮，大批達哥粉絲到場支持，當蔡思貝出場時，粉絲們大叫「達哥」，令到蔡思貝有點尷尬。
自言樣貌百變
活動中，達哥不忘抽水邀請蔡思貝合照，期間蔡思貝表現避忌兼冇表情，不過粉絲們表現雀躍，聽到再有人表示她們似樣，擺明唔多Like的蔡思貝即說：「我梗係覺得唔似啦！」不過達哥未有因此而死心，再叫工作人員拿出早已準備的合成照，被擺上枱的蔡思貝無奈地表示：「髮型幾似！」誰知達哥笑說：「我就覺得氣質同內涵似喇！」
事後訪問時，蔡思貝強調自己不似達哥，認為大家只是同樣面尖。提到有指她似木村，她說：「我細細個都有人講過似木村，可能大家大眼鼻高。」她更坦言自己樣貌百變，曾被人指似關智斌、陳煒、梅艷芳。問她會否介意被似達哥？她謂：「都係一個話題啫，大家開心咪得囉，今日仲影埋世紀合照，開開心心過一日。」
對於她與羅仲謙緋聞，蔡思貝表示自己是單身，與謙謙只是朋友關係，還強調沒有跟對方食飯及同車。知不知道謙謙和女友楊怡現時的關係，蔡思貝說：「我冇問私人嘢，大家做朋友只限於拍劇，唔會八卦。」
採訪、攝影：黃曉妍