經常為弱勢社群發聲嘅工黨張超雄，最近因為幫單非、雙非童發聲，爭取政府放寬佢哋要申領綜援，就需要有一位同住嘅香港綜援申領者做監護人嘅規定，成為部份網民嘅攻擊對象，有網民甚至攞埋張超雄嘅智障囡囡嚟攻訐番張超雄。
張超雄同八方講，綜援本身就係幫窮嘅香港人，就算佢唔認同雙非政策，但係目前雙非童確係香港人，佢哋有需要的話，就唔應該分開兩種香港人嚟處理。
張超雄亦好明白同埋遺憾，𠵱家嘅社會氣氛係對內地人或事有啲仇恨，但批評佢立場嘅同時，要拉埋佢囡囡落水，佢都只能慨嘆好失望。
其實正如特首梁振英喺齊昕件事上所講，禍不及家人，不過同超雄個狀況唔同嘅係，唔少人係企喺齊昕嗰邊，而唔係幫CY。