「你叫佢做龍蝦吧，PK都將佢撚化」PK (梁栢堅) 玩歌詞出神入化激活小編歌興，將近日大熱嘅一段母女關係搬到歌詞裡面，但查實689嫂當日一襲紅衣，同樣刺激到PK嘅創作細胞，搞咗首《龍蝦》出嚟︰「我係飛緊髮冇嘢做，就睇吓手機，咁啱見到蘋果呢篇文，心諗，龍蝦龍蝦，好玩喎，就突然諗到「你當我是龍蝦吧」呢句！咁啱個師傅叫我去洗頭，我話唔洗住喇，等我寫埋先去洗頭！」
把握時間改歌，可以話係PK嘅特色，PK就話︰「煮麵、飛髮、過馬路、坐巴士，唔駛刻意坐低去做，天係會畀靈感你o架！你坐喺電腦旁邊，反而唔知點做好！」創作嘅奧妙就在於不刻意，大家收到冇？
星期五六日《亂噏24》！食龍蝦！