【維基解密之終見起色】
不獲政府發免費電視牌的香港電視（港視），無奈要將已製作的節目放於網上播出，但近月港視收視跌勢難止，由開台時高峯每日平均點播十四萬用戶跌至今個月初最低位僅得四萬，慘失十萬點播率。不過，最近播映被喻為「先知劇」的《導火新聞線》終令垂危的收視見起色，前日公佈上周收視由每日平均點播四萬微升至四萬五千，上升百分之十二點五；而每日平均直播用戶則由九萬上升至九萬五千，上升約百分之五點五。
周家怡昨日先與梁健平在灣仔接受吳綺莉的數碼電台節目訪問，之後又到本報接受《壹錘定音》訪問。對收視回升，家怡說：「都係一支強心針。」
梁小冰：嬲到想息影
家怡透露稍後會有一場與姜文杰的激情戲，由大廳咀到上梳化，家怡笑言奪了姜文杰的螢幕初吻：「可能係佢第一次呀，見佢表現有啲尷尬。又唔知係咪我唔夠吸引呢？哈，永遠去到我個胸佢就避開。」雖然兩人咀到天翻地覆，但家怡最終仍是拒愛，更會有出人意表的結局。據悉，下周除有ICAC查囧報，王宗堯與楊淇亦會上演激烈床戲。
而劇中破格飾演總編輯「皇阿媽」的梁小冰直言感到好安慰，她昨日在電話中說：「之前港視冇得發牌，我都有去政總靜坐，真係嬲到想息影呀！因為大家咁畀心機拍，𠵱家終於由雪櫃攞番出嚟重見天日，好開心。」小冰還自爆精采場面：「皇阿媽係奸角，遲啲就可以見到佢點仆街。佢為咗新聞連自己老公、女同孫都出賣，阿女美棋因為咁自殺，皇阿媽就俾前夫石修摑咗一巴，好痛呀，好彩一take過。」
採訪：嵐山
【劇透】五大必睇位
激烈床戲
王子（姜文杰飾）暗戀方凝（周家怡飾）多年，二人感情糾纏不清，意亂情迷的一刻，上演一場激烈的床戲。
捍衞自由
下周播出的劇情中，囧報和輝爺（王宗堯飾）被ICAC上門調查，囧報集團主席（梁健平飾）為維護新聞自由及捍衞核心價值，表示會保留事件追究權利。
漸生情愫
媾女王輝爺向阿咩（楊淇飾）盡訴心中情，自揭跟亡父過去不快經歷，阿咩被感動，兩人發展一段超友誼關係。
前夫怒摑
皇阿媽（梁小冰飾）不惜出賣女兒（黃美棋飾）產下陰陽B一事，當作封面故事刊登，惹怒前夫（石修飾）當場被掌摑。
自揭家暴
方凝發現阿咩發生家暴，她陪阿咩到醫院診治，其間阿咩自揭多年來遭受家人暴力對待，影響其心智發展。
