雖然基奧特（圖）今季入球數字唔差，但就成日俾兵工廠球迷埋怨佢敗家，或者可以諗吓其他出路，欖球都唔錯！佢最近為今年九月舉行嘅欖球世界盃拍宣傳片，竟然用腳「的」欖球，起碼的到近三十吓，大家都知欖球個體積大過足球好多，好難控，有傳媒讚佢之餘，仲勸佢不如改行打欖球。不過，呢個銀河唔係唯一基奧特先做到，估計伊巴謙莫域可能仲勁。