前日《大公報》引述廣東省相關部門的消息指，中央正研究多個限制一簽多行方案，廣東省建議一日兩行，至於最終選用哪一方案，以及何時執行，就要由中央拍板。有政界及官場中人均指，廣東省建議的一日兩行，不但與香港各界建議的次數有極大落差，而且明眼人也看得出，有關建議與不限制一簽多行沒有分別，但更重要的是，若消息屬實，明顯廣東省方面也不放特首梁振英在眼內。
有熟悉水貨客問題的政界人士稱，若要限制於一日兩行，即一年可以有七百三十行，不但與部份港區人大、政協建議一年三十至五十行相差很遠，更可以看出廣東省方面根本不想限制一簽多行，「一日兩行根本同冇限制冇分別，原本設上限係唔想深圳、廣東自由行一得閒就湧到香港買日用品，若果一日仲可以有兩行，咁根本減唔到壓力」。
另一官場中人笑言，特首梁振英任內常拜訪廣東省領導，現在港府為一簽多行正陷於「水深火熱」，但廣東方面開出一個「有限等於冇限」的建議，「擺到明係當你香港、特首冇到，亦知你喺北京冇牙力，明hea你（梁振英），都唔怕北京會壓落嚟」，若最終中央真的接受廣東省而非香港的建議，「香港特首就真係冇晒面！」
周一至周五刊出
季陶