四年前「時勢造英雄」，何君堯成功令鄉議局主席劉皇發「讓路」，等佢榮登屯門鄉委會主席。四年後嘅今日，發叔喺無人挑戰下，包括何君堯都唔爭取連任下，翻閹屯門鄉委會主席，再度重奪盤鋸地。何君堯棄選主席，不外乎因為無勝算，尤其下屆若果冇得用鄉委會主席身份留任屯門區議會，就要靠直選，而佢想挑戰嘅選區樂翠，發叔地頭龍鼓灘都包括在內囉。
喺發叔光復屯門鄉委會之日，鄉議局副主席張學明亦咁啱得咁蹺，今日翻閹大埔鄉委會主席，事關下屆區議會冇咗委任議員，張學明要循此先可以繼續留喺大埔區議會。原主席、經民聯文春輝以不足十票之微，輸咗畀民選區議員陳笑權，未能擔任大埔鄉委會首副主席。