「包裝」系馬主李文斌家族，除了在香港養馬不少外，在外地亦擁有不少名駒，李文斌在澳洲有一匹合夥馬「洪水溢流」(Spillway)，剛周六便於澳洲費明頓馬場，贏得總獎金一百萬澳元的2000米一級賽澳洲盃，是全球首匹勝出一級賽的Rail Link子嗣，認真威水。
據知「洪水溢流」的練馬師大衛希斯，有意部署此駒來港出戰5月31日2400米一級賽遮打盃。
另一方面，李文斌另一愛駒，公認大超班嘅姚廐馬「包裝奔馳」，由於騎師郭能本周末(21日)停賽，將會由雷神莫雷拉接手，角逐當日嘅沙田三班1400米。雷神呢日亦已接手「包裝奔馳」喺大圈跳兩段，操完仲話好滿意佢嘅狀態。
睇番「包裝奔馳」初出輕易大勝後，跟住三場都好事多磨。大前仗配杜滿萊慢閘兼發力太遲，姍姍來遲屈居亞軍。前仗末段就畀潘頓嘅「星航渡」碰撞，又只跑第二。至於上場喺郭能胯下，全程大外疊遊魂咁跑大敗，搞到好多馬迷條氣唔順。今次用到雷神，公認係最佳配搭，除非又有無厘頭意外，否則坐亞望冠應冇難度。