中國主導的亞投行（亞洲基礎設施投資銀行）竟獲得英國、法國、德國和意大利四大歐洲經濟體加入，唔少內地股民喜出望外，視為一帶一路重磅利好因素。有唔少網民好興奮，終於可以同日本仔一較高下，勢要砌低亞開行（亞洲開發銀行）！
亞開行一九六六年由美國倡議成立，歷屆掌門都由日本人出任，總部設在菲律賓馬尼拉，一直由美、日兩國話事。據聞中方極之不滿，所以今次要另起爐灶。
按照內地媒體報道，美、日兩國對於中國話事的亞投行，唔單止不支持，還極力阻擾其他國家參與。好明顯，將來會係中國陣營的亞投行與美日陣營的亞開行，互相打擂台，鬥起基建項目。以中國領導人咁要面子性格，一定會大使豪使，氣勢上一定壓倒日本人，基建股一定會發圍！
李可強