留住二撇雞鬍鬚嘅財政司司長曾俊華除咗似品客叔叔，玩爛gag都有一手、仲要係超爛嗰隻。噚日佢下屬、即係發展局局長陳茂波六十大壽，鬍鬚曾就喺波叔個fb留言話「This is your big one（意思係今日係你嘅大日子）」，跟住話「I don't mean Helena Wong DP（我不是指民主黨黃碧雲）」，因為英文「big one」發音同碧雲接近。八方睇到，忍唔住都想講番次一日一創意、我愛廖啟智。
鬍鬚曾仲叫波叔放工後好好享受，事關波叔噚日已經開咗好多個會。其實鬍鬚曾都幾有心，八方之所以肯肯定個post係鬍鬚曾寫，因為聽聞只要有代表佢個名John嘅J字尾，就係鬍鬚曾親自留言。