中國星老闆向華強投資的大製作《3D封神榜》，除了張栢芝外，其他演員卡士更勁，粒粒紅星，包括古天樂、黃曉明、李連杰等，還有向華強兒子向佐，問到向華強今次因為栢芝不合作而換人演出，要額外投資多少錢？向華強霸氣表示「唔care」，他說：「未計投放咗嘅錢，仲有時間會好趕，又要搵啱嘅人選補番啲戲，日日喺片場都有幾百人開工，不過我唔care，我唔想向太揸頸就命，我最唔鍾意係佢（張栢芝）開始好哋哋話會改，點知故態復萌，我唔拍都冇所謂。」
問到向華強心裏可有代替栢芝飾演哪吒的人選？他坦言會找文章演出，他解釋：「其實呢個角色原本係搵文章，不過佢嗰陣要趕拍一套電視劇，後來有人提議可以用女演員反串，而向太就提議用栢芝。坦白講，佢（張栢芝）𠵱家演少女或女人冇人睇，佢演呢個角色有少少似林青霞當年演東方不敗嘅感覺，係翻身機會，但佢唔識諗。而文章好有義氣，其他演員都係，好義不容辭。」
採訪：文國駿