香港一眾名駒，即將到杜拜跑大賽，其中部份杜拜參戰馬，呢日(17日)參加沙田泥地大閘，作為起程之前最後備戰。好像方嘉柏馬房的「天久」出試第八組1200米泥閘，在柏寶胯下沿途守三四位，直路按實仍透出，鬥心強頑勁度十足，半身位力壓另一惡馬「福毅」勝出，「御綵」跑第三。
兩屆本港最佳短途馬、已八歲的「天久」上仗主席短途獎只輸條頸給「大運財」、「友瑩格」得季軍，可見戰鬥力無大退化，今課試閘所見勇況更盛，此駒將出爭本月28日泥地1200米一級賽杜拜金莎軒錦標，馬兒年輕時在港兩戰泥地賽獲一冠一亞，2012年跑過金莎軒亦得季軍，泥地性能突出，所以真係唔好睇低呢匹老馬。