計埋今期(18日)谷戰，跑馬地百萬挑戰盃剩番兩次賽事計分，再嘆慢板肯定冇運行。上星期三晚初跑一哩之「大寶藏」由潘頓贏馬加15分，一下子衝到上龍虎榜第三位，來勢洶洶！
至於排第四位一對之「新妙星」、「喜喜寶」，以及第八位的「振興中華」，如於今期谷戰贏馬，都可能上榜首，一定唔會留手。
第六場「喜喜寶」有王牌，三次谷戰非冠即亞，剛戰田草敗不足據，今勻重新渡江，應該有揸拿。同場「新妙星」近三仗冇W有Q，七歲馬現在才大熟大勇，升班負磅大減好跑，必須吼實。另外，第八場「振興中華」兩戰谷草C欄全勝，贏完等谷草C跑道三班千二米才再戰，部署有誠意，三檔可放得順，唔排除再建奇功。