有「AO歌王」之稱嘅民政事務局前常秘楊立門（Raymond），噚晚喺中環大會堂開處男演唱會為「健康快車」籌款，吸引唔少新舊局長包括俞宗怡、馬時亨、孫明揚以及陳家強捧場，一班AO包括朱曼鈴、馮程淑儀等亦到場，最終籌到一百四十萬。
Raymond以酒紅色煲呔靚仔look登場，國語歌、英文歌同日文歌都有唱，一曲鄧麗君嘅《我只在乎你》聽到唔少人拍爛手掌，但全場高潮則係佢唱Beatles嘅Medley，事關佢好似歌星咁落台握手。佢自爆入圍首屆新秀決賽後無繼續，除咗考到鐵飯碗，更因為無綫竟然要佢着到好似鄭少秋大俠咁去唱參賽歌《楚留香》囉。