有𠝹手前科嘅特首次女梁齊昕，噚日凌晨喺facebook貼咗張佢一雙玉腿瘀瘀傷傷嘅相，留言"Is there ever a time where my legs aren't bruised?! I don't even know how they happen."表明連佢自己都唔知，點解整親「瘀」爆，仲問隻腳到底有冇唔受傷嘅時候。
有網民問佢係咪夜蒲時整親？另有網民質疑佢夢遊，八方斷估，唔會係周日腳浮浮返禮賓府時唔覺得跌親啩。八方問特首辦，齊昕隻腳做乜搞到瘀晒陰功豬？但發言人話不作評論。其實齊昕同日亦喺fb留言"is D7689 a carplate number?"問D7689係咪車牌（小圖）？網民反應熱烈，有人質疑佢想激死老竇，齊昕惟有留言話對港人唔識幽默好無癮。